மகளிருக்கான இலவச 'பிங்க்' நிறம் பேருந்துகள் ரெடி!! என்னனென்ன வசதிகள் இருக்கிறது தெரியுமா?

தமிழக அரசு பெண்கள் எளிதில் அடையாளம் காணும் வகையில் நகர பேருந்துகளுக்கு இளஞ்சிவப்பு நிறம் பூச போக்குவரத்து கழகங்கள் முடிவு செய்துள்ளது. அரசு டவுன் பேருந்துகளில் பெண்களுக்கான இலவச பயணம் திட்டம் பெரும் வரவேற்பை பெற்றுள்ளது.

இந்த திட்டத்தினால் பெண் பயணியரின் எண்ணிக்கையும் 62 சதவீதமாக உயர்ந்துள்ளது. இதனால் மாநிலம் முழுதும் உள்ள 7,300 அரசு டவுன் பேருந்துகளும் முழுமையாக இயக்கப்பட்டு வருகின்றன. இலவச பயணம் அனுமதிக்கப்பட்டுள்ள நகர பேருந்துகள் பெண்கள் எளிதில் அடையாளம் காணும் வகையில் இளஞ்சிவப்பு நிறம் பூச முடிவு செய்யப்பட்டுள்ளது.

இதன் முன்னோட்டமாக சென்னை குரோம்பேட்டை மாநகர போக்குவரத்து கழக கூடத்தில் மூன்று பேருந்துகள் இளஞ்சிவப்பு நிறம் பூசும் பணிகள் நடைபெற்று வருகின்றன.

இந்த நிறங்கள் ஏன் என்றால் பெண்கள், மாற்றுத்திறனாளிகள், திருநங்கையர் எளிதில் அடையாளம் காணும் வகையில் கட்டணமில்லா பயணச் சலுகை பேருந்துகள் தனி நிறம் பூச முடிவு செய்துள்ளனர்.

இளஞ்சிவப்பு நிறம் பேருந்தின் முன் ,பின் பகுதியில் பூசும் பணிகள் நடைபெற்று வருகின்றன. மாதிரிக்காக, மூன்று பேருந்துகள் இதற்கான பணிகள் நடந்து வருகின்றன. அரசின் ஒப்புதல் கிடைத்த பின் படிப்படியாக மற்ற அனைத்து சாதாரண கட்டண பேருந்துகளில் இளஞ்சிவப்பு, நிறம் பூசப்படும் என்று தெரிவித்துள்ளனர்.